常見問題

上蓋放 6 隻完整陀螺。盒身另外收 6 個備用陀螺面連固鎖、5 個備用固鎖，以及 14 個軸心。合起嚟有 12 個陀螺面，可以組成四隊以上完整配置，一盒帶齊去比賽。

Beyblade X 系統嘅完整陀螺、陀螺面、固鎖同軸心都已經實測過。完整清單喺「規格 / 相容型號」頁。

唔會。每個軸心位下方都設有專屬鎖定結構，穩固固定軸心，避免攜帶期間彈出或者散落。所有收納位置都經過多次精準設計、實際量度及反覆改善，確保零件穩妥放置，同時方便提取。

上蓋同盒身都配備磁力按鈕，輕輕冚埋上蓋就會鎖實盒身。完成比賽後一冚、一拎、一走。磁鐵只用於上蓋鎖定位置。

盒身用 PETG，韌性同耐熱度都比一般 PLA 好。日常使用同一般塑膠收納盒相若，但都要避免長時間高溫曝曬（例如夏天車廂內）同大力摔跌。有功能問題可以聯絡我哋查詢更換；純外觀問題（例如輕微層紋）則未必受理。

用微濕布抹乾淨就可以，之後抹乾。唔建議用酒精、天拿水等溶劑、熱水或者超聲波清洗機，避免影響表面同結構。

盒身兩側各預留一個外掛擴充槽。第一款配件係 LaunchClip 發射器掛扣，可以將發射器扣喺盒外，唔佔盒內空間。日後還會有其他配件。

拉條發射器同拉繩發射器都適用，而且完美兼容發射器連通行證同手把 —— 唔使拆零件就扣得上。掛扣上有鎖定發射器嘅功能，扣上之後唔容易跌出嚟。

一個盒最多兩個，因為盒身只有兩個外掛槽。兩個嘅用法就係左迴旋同右迴旋發射器一次帶齊 —— 陀螺戰士應該知道呢個痛點。網站上嘅掛扣上限會跟你訂幾多個盒自動調整：訂一個盒最多兩個掛扣，訂三個盒就解鎖到六個。

可以，掛扣可以單獨下單，1 至 2 星期內出貨，唔需要等 APEX BOX M 嘅生產隊。但要講明：掛扣只適用於 APEX BOX M 盒身嘅外掛槽，唔可以喺其他盒或者單獨使用。手頭冇 APEX BOX M 嘅話，買咗都用唔到。

盒身尺寸已經非常細小（210 × 148 × 95 mm），發射器放入盒身提取時反而麻煩。我哋嘅設計概念係所有嘢都可以即刻使用 —— 一手提起發射器，另一手即刻打開 APEX BOX 攞陀螺出嚟。戰鬥完收埋個盒，發射器扣返落掛扣度，拎起就走。

香港、澳門、台灣都寄得，三地一律順豐到付。運費由收件人喺取件時直接付給順豐，所以結賬頁運費顯示 $0；香港想一次過畀清嘅話，可以揀預付運費 HK$70。我哋會按你填嘅收件地址寄出，唔使另外揀地區。出貨當日我哋會 email 通知你，附埋追蹤編號。

運費同香港澳門一樣係順豐到付，分別喺要過海關，有三樣嘢要留意。一：落單前要先用「EZ WAY 易利委」App 完成實名認證，未認證嘅話包裹過唔到台灣海關，而且一定要喺台灣境內用台灣手機門號辦。二：收件人姓名同手機號碼必須同實名認證一模一樣，唔同就會卡關。三：包裹到台之前你要喺 App 撳「申報相符」（限 7 日內），完稅價格超過 NT$2,000 仲要繳進口稅費，稅金由收件人負責。完整六步流程喺產品頁下面嘅「寄邊度？」區。

APEX BOX M 可以一次訂多於一個，產品頁直接揀數量就得。LaunchClip 嘅上限跟盒數走，一個盒兩個掛扣。我哋冇設地區配額，但為咗保證交期，當排隊太長嘅時候會暫時停止接新訂單，追返進度後再開放。

你落單嘅時候，產品頁會即時顯示你嘅預計收貨日期，跟落單先後次序計。全部訂單排同一條生產隊，香港、澳門、台灣一視同仁。呢個日期係保守估計，生產順利嘅話會提前，到時會提前 email 通知你。台灣要多算 5 至 10 個工作天運輸，再加清關時間。